“Sarri do të shkarkohet sepse Abramovich është duke e menduar këtë”

19:38 | 19 Shkurt 2019
Arbresh Info

Disfata e Chelseas në FA Kupë kundër Manchester United duhet t’i jap fund Maurizio Sarrit.

Kështu beson ish sulmuesi i “Bluve” – Chris Sutton, i cili mendon se italiani duhet të largohet, transmeton portali arbresh.info.

Ishte një tjetër performancë e dobët nga skuadra e Sarrit derisa vuajtjet vazhdojnë të rriten në Stamford Bridge për të. Nga ana tjetër, kjo ishte një përgjigje perfekte nga Man United që me sukses arriti të rikthehet nga disfata e pësuar në Ligë të Kampionëve kundër Paris Saint Germainit.

I pyetur nga Mark Pugatch mbrëmjen e së hënës nëse disfata kundër Man United është pika e fundit për Sarrin, Sutton tha:

“Kështu besoj. Kam thënë se pronari [Roman Abramovich] do të mendoj ‘a do të jemi në top katërshe?'”

“‘A mund të shkoj në ndeshjen kundër Manchester Cityt me besim? Sigurisht se jo'”

“A do t’i fus ai të gjitha vezët në shportën e Evropa Ligës kur ky trajner nuk mund t’i motivoj lojtarët? Jo”, përfundoi Sutton./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm